TEYRIKÊN PIRÊZEYAN

ROJÎN XEWN

di xewnên wan de şiyar dibûn ,kevokên ku şev li wan geriyaye. Qirkirina refên xwe li baskên xwe yên şikestî nivîsîbûn. acizîyên xwe di parzûnê jiyanê de dawerivandibûn. ûdren xwe di bin kevirên hişê xwe de veşartin.kêfa xwe ji bayê bêrîn re dianîn.

Hezkiriyên niqutên xwe ji baranên xwe bêrî kiribûn...

xwe li kîjan hêlê digirtin,li berateyên xwe rast dihatin.tîrêjên rojê xwe li eniya wan a ku ji ewran vekirîtir dixist .baskên xwe weke kitana bûka yekbêrî ya ku ba lê dixê vekiribûn.girêza ku ji kêleka devê wan herikîbû,xwe bera ser qirika wan a ku ji qelema nivîskarekî tahltir û ji newalên beriyê xalîtir dabû. temberiya wan a neşehkirî li ber bayekî ku weke baranê digiriya şil bûbû. xwîna ku ji zendên wan dawerivîbû , kefa destên wan tijî kiribû. Destên ku berê ax firkandibûn. Ji sînga wan bêhna pîrekan dihat ,jiyana wan di ber pîrikan de bû. Di nav reşikên çavên rijiyayî de jî nêrînên xwe yên dîn winda nekiribûn. pal dabûn axê pişta xwe dabû wan. Ji kenî hez dikirin,devê wan ji kenî nedihat ser hevdu.

Hezkiriyên berxikên ku ji kenan lal bûbûn....

di hêlîna xwe de bi dengekî dînoke bi dayê diketin.qîrîna xwe bi qirkirina xwe neqişandibûn. Çemên ku di hundirê xwe de diherikandin, bi qilafetên xwe di tixûban de hilnedihatin. Rûyên xwe bi biriqîna heyvê nixûmandibûn. Berî wextê xwe bi firê ketibûn.

Hezkiriyen baskê xwe bûn ...

li gorî ku digotin, kîjan cara ku diterîkîn. Berbang bi xwe re dibirin. Şewqa şeveqê hembêza wan de diza. Xew di paxila tarîyê de diçikandin.

Hezkiriyên çirûskên sibehên zû bûn...

gelek caran dbûn xewn, qûçên xwe winda dikirin.dîlê xwe dixist

in berbûyên hechecîkan. Şopa wan rûyên bajaran dixemilandin. Diçûn ku derê şûna wan xûya dikir.bejna wan ji şevên zivistanan dirêjtir bû xwe daqûlê jînê dikirin ji bo ku bijidin. Tirabêlka toza havînê xwe li porên wan yên kurîşk digirt. Henûn bûn bi emrê xwe şa nedibûn.

Hezkiriyê delalê ber du makan bû....

arîya wan li berîya mezopotamyayê teyrikên pirêzeyan diafirandin.teyrikên ku zewade bi devê wan nebûbû. Ji bo ber qiyala demê xwe bistrînin di nav komê pûşî de ji rojê hez dikirin.

Hezkiriyên çûnê bûn....

not: ji hejmara 1. a çirûsk ê hatiye girtin